ડી-ટેનિંગ માટે ૫ નેચરલ અને સુપર સિમ્પલ DIY (જાતે કરો) ફેસ પેક

(You can also read this Blog in English here)

નેચરલ અને સિમ્પલ DIY એન્ટી ટેન પેક્સ

ટેનિંગ એ વર્ષો જૂની સમસ્યા છે. જ્યારે આપણા ચહેરા અથવા હાથ અને પગ પર બે અલગ-અલગ ત્વચા ટોન દેખાય છે ત્યારે આપણે બધા ખરેખર સભાન થઈએ છીએ. સારી સનસ્ક્રીનનો ઉપયોગ કરવા છતાં ત્વચાના ખુલ્લા વિસ્તારો ટેન થઈ જાય છે. સત્ય એ છે, કેટલીકવાર ટેન એટલી ખરાબ હોય છે કે તમારા આખા શરીરમાં લગભગ ૪ - ૫ અલગ-અલગ ટોન દેખાય છે. આપણે ફેસ માસ્કનો ઉપયોગ કરીએ છીએ પણ કેટલાક ચહેરા પર જ ત્વચાના બે અલગ અલગ ટોનનો સામનો કરે છે, તો આપણે આ સન ટેનથી કેવી રીતે છુટકારો મેળવી શકીએ? અગાઉ અમે સૌંદર્ય પાર્લરો પરની તે મોંઘી ડી-ટેન સારવાર પર આધાર રાખતા હતા પરંતુ છેલ્લા કેટલાક મહિનાઓએ અમને અમારા પોતાના ઘરેલું ઉપચારનું મહત્વ શીખવ્યું છે. વિચારી રહ્યા છો કે ઘરે એન્ટી ટેન પેક કેવી રીતે બનાવશો? અમે તમારા માટે કેટલાક પ્રાકૃતિક અને દેશી નુસ્ખા લઈને આવ્યા છીએ જે તમને ત્વચાના ટેનથી છુટકારો મેળવવામાં મદદ કરશે અને તમારી ત્વચાને મુલાયમ અને સુપર સોફ્ટ પણ બનાવશે. અને વધુ શું? આ સુંદર ડી-ટેન પેક તમારા રસોડામાં પહેલેથી જ ભરાયેલા કેટલાક ખૂબ જ સામાન્ય ઘટકોમાંથી બનાવી શકાય છે. તેથી, ચાલો શરૂ કરીએ!

૧. બેસન, હળદર અને દહીં :

બેસન (ચણાનો લોટ) વર્ષો જૂનો સાથી રહ્યો છે. અમારા દાદીમાઓએ ઘણી વખત અમને ત્રાસદાયક ફેસવોશથી છુટકારો મેળવવા અને તેના બદલે સાબુ તરીકે બેસનનો ઉપયોગ કરવા માટે દબાણ કર્યું છે! તેથી, અહીં અમારું પ્રથમ હોમમેઇડ ડી ટેન પેક પ્રસ્તુત છે.

ઘટક :

બેસન - ૧ ટેબલસ્પૂન
દહીં - ૧ ટેબલસ્પૂન
હળદર - એક ચપટી

૧. એક બાઉલમાં બધી સામગ્રી મિક્સ કરો જ્યાં સુધી તમને જાડી પેસ્ટ ન મળે.
૨. આને તમારા આખા ચહેરા પર અથવા ત્વચાના ખુલ્લા વિસ્તાર પર સમાનરૂપે લગાવો.
૩. જ્યાં સુધી પેક સુકાઈ ન જાય ત્યાં સુધી તેને રહેવા દો.
૪. તેને ઠંડા પાણીથી ધોઈ લો.
૫. તમારા મનપસંદ મોઇશ્ચરાઇઝર સાથે અનુસરો.

જ્યારે વૈકલ્પિક દિવસોમાં ઉપયોગ કરવામાં આવે છે, ત્યારે તમે એક પખવાડિયાની અંદર ટેન રેખાઓમાં દૃશ્યમાન તફાવત જોશો!

૨. ટોમેટો ફેસ પેક :

ટામેટા તમારી ત્વચાના તેલને ટોન કરવા તેમજ છિદ્રોને ઘટાડવા માટે યોગ્ય છે. ખાસ કરીને ટેન અને ઓઇલી સ્કિનની ડબલ સમસ્યા ધરાવતી તમામ મહિલાઓ માટે ચોક્કસ પ્રયાસ કરવો જોઈએ.

ઘટક :

ટામેટા - ૧
દહીં - ૧ ચમચી
લીંબુનો રસ - ૧ ચમચી

૧. ટામેટાને કાપીને તેનો પલ્પ મેળવો.
૨. જ્યાં સુધી તમને સ્મૂધ મિશ્રણ ન મળે ત્યાં સુધી તેને દહીં સાથે મસળી લો.
૩. લીંબુનો રસ ઉમેરો.
૪. તેને તમારા આખા ચહેરા પર સરખી રીતે લગાવો.
૫. ૧૫ મિનિટ પછી તેને ઠંડા પાણી અથવા પલાળેલા સ્પોન્જથી ધોઈ લો.

તમે તમારી જરૂરિયાત મુજબ અઠવાડિયામાં ૨ અથવા ૩ વખત આ પેકનો ઉપયોગ કરી શકો છો.

૩. કાકડી અને લીંબુ :

બે સરળ ઘટકો પરંતુ સાથે મળીને કાકડીની ઠંડક અને લીંબુમાંથી વિટામિન સીની સારીતા લાવે છે. તમને તે ટેનથી છુટકારો મેળવવામાં મદદ કરી શકે છે! એક સંપૂર્ણ એન્ટી ટેન DIY!

ઘટક :

કાકડી - ૧
લીંબુનો રસ - થોડા ટીપાં

૧. કાકડીને છોલીને તેને મેશ કરો જ્યાં સુધી તમને પલ્પી ટેક્સચર ન મળે.
૨. લીંબુનો રસ ઉમેરો અને તેને કાકડીના પલ્પ સાથે બ્લેન્ડ કરો
૩. તેને તમારા ચહેરા પર લગાવો અને ૧૦ - ૧૫ મિનિટ પછી ઠંડા પાણીથી ધોઈ લો.

થોડા ઉપયોગો પછી તમારી ત્વચા દેખીતી રીતે કાયાકલ્પ અને તેજસ્વી બનશે.

૪. કેળાનો ફેસ પેક :

કોણે વિચાર્યું કે કેળાનો ઉપયોગ ફેસ પેક તરીકે કરી શકાય છે? પરંતુ આ ખરેખર સરસ અને બનાવવામાં સરળ છે, ખાસ કરીને જો તમારી ત્વચા શુષ્ક હોય, તો તમારા ચહેરા માટે સુખદ હોમમેડ એન્ટી ટેન પેક છે.

ઘટક :
કેળા - ૧
ખાંડ - ૧ ચમચી
ક્રીમ - ૧ ટેબલસ્પૂન (ખૂબ શુષ્ક ત્વચા માટે વૈકલ્પિક)

૧. કેળાને સરખી રીતે મેશ કરો જ્યાં સુધી કોઈ ગઠ્ઠો ન હોય.
૨. ખાંડ (અને ક્રીમ) ઉમેરો અને તેને સારી રીતે મિક્સ કરો.
૩. તેને ચહેરા પર સરખી રીતે લગાવો.
૪. ૧૦ - ૧૫ મિનિટ પછી તેને હૂંફાળા પાણીથી ધોઈ લો.

તમારી ત્વચા નરમ અને તાજી લાગશે!

૫. પપૈયા માસ્ક :

આ પેક બનાવવા માટે ખરેખર સરળ છે! પપૈયું માત્ર ત્વચાને મુલાયમ કરવામાં અને ડાઘ-ધબ્બા દૂર કરવામાં મદદ કરે છે પરંતુ તે ટેન પર પણ અસરકારક છે!

ઘટક :
પપૈયા - અડધો કપ
મધ - ૧ ચમચી

૧. પપૈયાને મેશ કરો.
૨. મધ ઉમેરો અને તેને સારી રીતે મિક્સ કરો.
૩. તેને તમારા આખા ચહેરા પર લગાવો.
૪. ૧૫ - ૨૦ મિનિટ પછી પાણીથી ધોઈ લો.

તમારી ત્વચા પ્રથમ વખતથી જ નરમ અને મુલાયમ લાગશે.

નોંધ: પેક લાગુ કરતાં પહેલાં પેચ ટેસ્ટ કરવાનું ભૂલશો નહીં.

જો કે આ ઘરે બનાવેલા નુસ્ખાઓ રાતોરાત પરિણામ બતાવતા નથી પરંતુ તે તમારી ત્વચા માટે ખૂબ જ અસરકારક અને સારા છે. તમારે હવે એવા કૃત્રિમ અને રાસાયણિક પદાર્થો પર આધાર રાખવાની જરૂર નથી કે જે તમારી ત્વચાને લાંબા ગાળે નુકસાન પહોંચાડી શકે. જો તમે આ કુદરતી પેકનો ઉપયોગ કરશો તો ધીમે ધીમે તમે ટેન કરેલી ત્વચાને બાય-બાય કહેશો અને તે જ સમયે તમારી ત્વચાને લાડ અને પ્રેમનો અનુભવ થશે!

ઉપરોક્તમાંથી કયું પેક તમને સૌથી વધુ ગમ્યું? અમને નીચેના ટિપ્પણીઓ વિભાગમાં જણાવો. 

મુબીના મકાતી દ્વારા અનુવાદિત Translated by Mubina Makati